O presidenti taro IRU Zoran Dimov ka lel than an i 6-to Internacionalno Konferencia e Romane džuvlenge thaj nomadia so ka ovel an o 6-to thaj 7-to Noemvri an o Konsilo Europake an o Strazbur, Francia.
O Konsilo Europakoro organizirinela i konferencia resarinaja te kerel progreso ko leiba than e džuvlenge an i politika thaj sasto dživdipa. Anglutne o Konislo taro ministeria an o Konsilo e Europakoro an o mart 2016 berš so akceptiringja o tematsko Akcisko Plano an i inkluzia e Romenge thaj nomadia so akceptirinel o periodo 2016 – 2018 thaj odova maškar o aver prioritetia, si thaj progreso an i rolja e Romane džuvljake thaj promocia e polovo jekhipaske.
Dopherdo akceptirime si an i invitacia taro Konsilo e Europakoro bičhavdi dži ko Zoran Dimov, balansirime leiba than e murshenge thaj džuvlenge an i politika thaj aniba decizie so si prioriteti an i Strategia e polovo jekhipaske , o Konsilo e Europakoro akharel e Zoran Dimov te lel aktivno leiba than an i plenarno sesia.
I konferencia ka kerel zori te bajrarol o politikano aktiviteto thaj akcepcia e Romane džuvljake thaj Nomadia an o sa o niveloatari parlamentarno demokratia.
Prekal akaja konferencia udžarel pe rezultati so ka ovel sar drumo e politikane partienge te len aktivitetia tan i majbari rodovo akomodacia thaj leiba than e romane džuvlenge ko politikano dživdipa.
