Taro 05.10.2017 berš startujngja o proekti so anen pe i dokumentia vash personalno evidencia ani kherutni adresa e dizutnenge. Akava proekti si maškar o Ofiso legariba Personalno lila thaj AD Makedonikani Posta Skopje.
Starteske akava proekti akana kerel pe an o Skopje, a palo odova ko aver dizja an i Makedonia , so o dizutne dopherdo ka oven informirime.
Akale resarinake , o Ofiso thaj o AD Makedonikane Poste kergje Memorandumo baši kolaboracia so havel pe sar dejbe e dokumentaciake tari personalno evidencia an i kherutni adresa e dizutnenge majpalune dži ko 72 saatia taro momento e apliciribaske an i Web rig taro Ofiso – www.uvmk.gov.mk.
I forma taro aplikacia si jekhutne. Trubul te vizitkeren o web sajto www.uvmk.gov.mk thaj prekal siguritetno sistemo so del garancia personalno informacienge , te phrel pe i tabela thaj te keren send dži ko ofiso.
O poštari , pali i informacija taro Ofiso kote o Personalno identifikaciakoro dokumento si hazri, džala thaj lela le taro Ofiso thaj anel le ki kherutni adresa e dizutneske majpalune rokoa taro 72 saatia.
