Aso o agorutne informacie i kancelarka tari germania Angela Merkel legargja uči viktoria ko parlamentarno alusariba an i Germania paše 32.5% taro hangia.
Numa o sukceso si bari baši ekstremno nacionalistikani partia ” Alternativa e Germanikae” so reslja 13% taro hangia. thaj uli trinto politikani opcia an i Germania thaj reslja avgo drom te khuvel an o parlamenti.
„Odova si čače kerki viktoria numa fakti si kaj našavgja bašp – 9% ki paralela e persi alusaribaske. I Merkel našavgja. Olakoro dživdipe akana ka ovel panda majkoplicirime an o koaliciakere kompetencie. Odothe nane than bašo manevre. Si la realno than baši Unia e liberalencar thaj o grune a odova šaj te ovel komplicirime” vakeren o analitičaria.
Kote i separacia ko germansko hangibaskoro elektorati si bari, sikavel o baro sukcesui+ jekhe radikalno nacioanlistikani partia sar so si i Alternativa e Germaniake.
„Ka dikha sar ka ovel akana o Bundestago. Šaj te ovel panda majbaro. Šaj te oven 750 mandatia, a ko odova fakti si kaj i Alternativa e Germaniake plus 80 mandatoncar ka ovel trinto partia an i germania. Odova majšukar sikavela ki savi situacia si i germania” vakeren ola.
