Taro ministeriumi baši edukacia thaj o univerzitetia notirinen kaj nane len koncepti legalno hohavipa.soske ola kontrolirinen salde lai sikavgja sukceso an o ispito so trubul te hramosaren le.
Sa si majbaro numero taro čhave ko maškarutne škole tari Srbia so notirinen pe sar Roma te šaj te khuven an o fakulteti thaj te istemalkeren o budžetoskere benefitia so dena pe olenge.
O viceministeri baši edukacia vakerel kote o ME našti čhinavel akala malverzacie ko hramosariba an o fakultetia trujal so dikhel pe kaj čače nane ola Roma.
“Trujal so dikhela pe kaj čače ola nane Roma numa nane mehanizmo sar šaj odova čhinavel pe” vakeren taro ministeriumo.
O šresidentio e organizaciake “Romane hakoa”, Severdžan Alijević vakerel kote baro numero romane čhave so sikaven afinitetia te educirinen pe majodorig našti te džan majodorig taro aver so istemalkeren akala “rupe” an o kanoni.
