O Dorin Čoaba korkoroproklamirimo Romano thagar an o 13 septembro – trintodi si ko phanlipa 24 saatia sebepi kerdo kriminalo kaj garavgja danoko sp o them notirinel kaj kergja lake ziani 5 milionia eura , havljargja i lokalno agencia Mediafax.
I policia an o trintodi kergja 28 rodaripa an o dizja Mehedinti, Timiš, Arges, Kluž. Sibiu. Hunedoara, Donji Gorj regiono thaj an o Bukurešt. Sa ola si akcpetririme thaj involvirime ko garaviba danok thaj malverzacia lovencar.
An i akaja akcia si phanle nekbor persone maaškar so thaj o Dorin Čoaba. Ko jekh an o Sibiu an i akcia sine phanel thaj oleskiri romani Sigisoara.
I policia notirinela kaj ko periidi 2009 -2014 ko baro numero kompanie kerdi si šema te garaven o danoko upral i funda hohavno sistemo taro finansisko bankarstvo.
I policia kergja kontrole ko nekobor hohavne fakture taro finansisko lila taro kompanie, fakture upral i funda taro fiktivno komercialno transakcie ko učipe upreder 18,4 milionia eura, so nalegalno sine garavdo o DDV. Trujal odova ola nalegalno sikaven sine o profiti. O ziani e themakere budžetoske notirinel pe upreder 5 milionia eura.
Ko vakti taro rodaripa an o trintodi i policia konfiksujngja duj luksuzno vordona, paše 220.000 eura an o keš thaj 21.000 eura an o konto ki banka. I konfiksacia konektirinel thaj love ko oleskoro baro apartmano so dživdinela sine o baro kher so si odova da konfiksujmo.
Liparibaske si kote sebepi asavke naregularno thaj kriminalno aktivitetia an i buti ko IRU kote dži ko mart 2015 berš sine Presidento an o IRU, numa an o Kongreso ko mart 2015 ko Skopje tari rig e delegatonge taro IRU sine ikavdo tari odoja funkcia thaj notirime sine o nevo Presidento an o IRU o Zoran Dimov so ko odova momenti ov distanciringja pe taro Dorin Čoaba sebepi leskere nalegalno aktivitetia, so ko maškarvakti informiringja pobuter ofisia thaj institucie an i EU thaj aver internacionalno organizacie.
