Nekobor divesenge startujnel e sikljojbaskoro berš a o love so ka den o jeria te hazrkeren pire čhaven baši škola
Aso i kalkulacia saste te ovel hazri jekh čaho te džal an i škola ko šatrto septemvri ka valjani te hulavel majhari 100 eura jekhe čhaveske. Odothe si kalkulirime minimum love a odova si , ranco, školsko artiklia thaj šeja.
Okola jeria so si hari majbarvale o love so ka del e avgo školsko diveseske nanebaro problemi, numa okola so si len minimalno plata ka valjani te keren baro zori te arakhen sa okola love so trubula olengere čhavenge bašo starti e školsko beršeske. E bilovengere edukaciake o Ministeriumi baši edukacia e siklenge ko fundavno thaj maškarutno škole del salde o lila – učebnikia.
Sa avereske trubul o jeria pe čhavenge te kinen o aver bukja. Nekaske o starti e neve sikljojbaskere beršeske anela loš – baht , numa averenge em bibaht. Sar te ovel si li kuč jali eftino o sujle ka trubul te den baro zor te špaj te opravdinenokova so o jeria dengje love olenge.
