O proekto so si finasirime tari Europakiri Unia a si kerdo an o drom Ivan Milutinović te keren pe 50 khera e majteleperavde Romane familienge kergja bičalipa maškar o dizutne tari akaja mahala sar so notirinena kote akan ki mahala ka bajrol o nivelo taro kriminalo a na inkluzia so si resarin e proekteske.
I “Getoizacia” e Romenge an i akaja mahala sar so vakerel o Konsilo e komunake Medoševac ka oven akana buteder čoriba, atako upral o manuša thaj šoferia thaj odova nane te ovel lačhe ni olenge ni savorenge.
Ola palo dende informacie kaj ka kerenb pe neve khera ikergje mitingo thaj sar so ola vakerena sine len dikhiba thaj dizjakere šerutnea taro Niš o Darko Bulatović.
Ola vakerena kaj šaj te keren protestia te na arakhlja pe aver opcia akale problemeske.
Olengoro propozalo si ko sa 5 niško komune te keren pe po 5 khera akale familienge.
