E sastipaskere plavo kartonia palem ka oven an i funkcia sar nakhlja o roko e sastipaskere elektronsko kartičkenge so sine editirime an o 2011 thaj 2012 berš thaj sine rokoa taro 5 berša.
Ko momento panda nane firma so ka printinel o neve kartice, odoleske o Fondi sastipaske sa e siguritetenge počmingja te del plavo kartonia.
Sa okola kaske ka nakhel o roko tari sastipaskiri elektronsko kartica ka trubuč te džal ki pli personalno reonsko jekhin e Fondeske te šaj lel peske o plavo kartonia.
