Upreder 1000 toni pijba peke bakhre thaj barvali muzika. Odova sine o bijav taro barvalo biznismeni taro Leskovac o Predrag Bajramovič so prandingja pire čjave an i romani mahala Slavko Zlatanović ko Leskovac.
“Akava si mange prvo bijav thaj odoleske na dikhav sine ko love” vakerel o Predrag (35), thaj oleskiri romni i Kruna (36) so ko sako momenti lepinen sine e muzika po 50 eura e trubačen taro orkestari Elvis Ajdarević
Trujal o statuso sar barvali familia ola akale bijaveske keren sine plani saste 2 berša. Ko trin divesa o bijav sine razno muzika, a giljavel sineo Zvonko Demirović.
I avlin sine baravaleste ukrasimi a majbut piel pe sine viski thaj pivo. O Predrag na mangel sine te vakerel kobor love dengja akale biaveske numa an o agor notiringja kaj dengja buteder taro 40.000 eura.
Salde garderobake e bojrake pukjingja nekobor mile eura ko specialno šnajderi an o Preševo.
“Amen agjaar urava amen salde ko bijava . odola šalvare thaj aver garderoba ačhili sar tradicia taro amare phure” vakergja i gazdasrica i Kruna.
