O Taib Biševac sine mardo an o centar taro Novi Pazar . Oleste margje šov džene so majanglal verbalno thaj palo odova kergje fizičko atako soske dengja love jekhe čhijake taro romano nacionaliteto.
O Biševac kergja zori te notirinel e manušen so kergje atako dži ki policia so aso oleste majanglal na mangle te verifikujnen akava akti.
“Udžarav sine me romnja anglal o hoteli Vrbak thaj dengjum love jekhe romane čhajake so mangel sine devlenge . odothe kergje reakcia akala manuša so bešen sine ko restorani Gazika.
Akošen sine la thaj jekh uštilo te khuvel la. Vakergjum lenge kote na trubul te maren la numa te den la hajbaske. Tegani o manuša irangje pe mange thaj majanglal verbalno thaj palo odova fizički kergje atako upral mande”.
Ola si sar bodigard jekhe lokalno manušeske so lačhe džanav le. I policia na tromal te kerel reakcia mujal olste” vakerel o Taib.
Palo odova geljum dži ko doktori kote konstatiringje ratvarina a palo odova dengja akti dži ki policia.
Youtube: https://www.youtube.com/watch?v=gABfkYPE9m0
