Aso o Ministeriumi baši socialno politika , paše 500 Roma so “fantomia” aso o romano NGO sektoro olengoro numero si paše 2.000.
Trujal so kanonikane na tromal te ovel dizutne vizo sastipaskoro siguriteto , thaj te ovel avri taro edukaciakoro sistemo , trujal implementirimi akcia baši registracia akale personenge , i them na kerel nisavi forma te faisalkerel o problemi thaj odolea phagela pe o fundavno manušikano niami bašo themutnipa.
E Makedonia si la diferentno percepcia kobor manuša si biame an i them, a nane evidentirime.
Majbaro numero olendar si etnikane Roma, a o numero si paše 500 persone.
Sebepi lungo thaj birokartsko procedura baši olengiri evidencia , ola si an o margine taro sasoitnipa, bizi fundavno manušikano niami – te ovel ole dokumenti personalno identifikaciake. O DNK analize so i them implementirinel len na kerel urgentno thaj efikasno faisalkeriba e problemeske e fantom personenge.
