Nekobor divesa baro numero internacioanlno mediumia hramosarena bašo enormno uče moldia bapi akomodacia an op hotelia, hostelias thaj aver apartmania an o Skopje ko vakti kana ka ikerel pe o fudbalsko Supercupi (8 avgust), maškar Mančester Junajted thaj Real Madrid
Numa odova nane jekhutno problemi , soske baro numero hotelia taro akava tipi naopravdano na den rezervacie akomodaciake , so sine standardno kerdo taro o tifozia (majbut anglisko) jekhe resarinaja te ačhon o apartmania fraj te šaj den pe but majbare moldiake.
Sar so vakerena tari Asociacia e Mančester Junajted an i makedonia baro numero tifozia ačhona bizi akomodacia kana sine ikavdi olengiri rezervacia tari rig e hotelenge jali privat apartmania.
Ko jekh i Asociacia informirinela kote baro numero anglisko fania so si an o kontakti dikhen aver opcioe thaj nesave kergje peske rezervacie apartmania an i Sofia, Beograd thaj Solun, a ko Skopje ka aven salde e mečeske. Dži kote akava problemo ko sig vakti na ovel faisalkerdo isi bai šansa i šerutni diz an i makedonia ko vakti e bare fudbalskere spektakloske te ovel čučo.
