I Alba Molina (39) ikljola tari pendžardi muzičko familia. Olakoro dat o Manuel Molina si pendžarutno flamenko gitaristi, palo kaste si kerdo o filmi ” E gitarakoro thagar” a i daj i Manuela Molina si pendžarutni flamenko khelavutni thaj vokali.
Olengiri čhaj priri kariera kergja kombinacia taro diferentno stilia sar so si po, hip hop, bolerom brazilsko thaj karipsko stili, džez thaj flamenko a o kritičaria anavkergje la sar “muzikakoro universumi” soske phare ste si te kerel pe sar jekh žarn. Olakoro agorutno albumi „ „Alba Canta a Lole y Manuel“ , so iklilo ko mart 2016 berš sar so vakerela sine majemotivno thaj personalno an i olakiri kariera.
– Avdive isi baro interes e Romenge thaj e flamenkoske, majbut ko koinemtografia. Numa odothe da mange si but bilačhe soske em ko nakhlo periodi em akana e romane kulturake na del pe sine but moldipa kobor so trubul. I romani kultura si but lačhi. O Roma si lačhe manušaso šaj but sikljobena olendar a majbut ko olengoro sakodiveseskoro dživdipa.
Okova so ka vakerav e manušenge so bizi diferenca Roma jali na te sikaven empatia mujal o avera thaj te dikhen ko odova bizi dar. Tegani but pošukare ka hošinen pe. Džanav kote kana si amenge khanig napendžardo majlačhe si te traina te dživdina an i baht a ko akava egzamplo ko Roma.
