Ki palata e thagarutnake Kašali, sine sako drom dživde sar ki sako palata. O manuša phirena, a olakere angelia sako drom si len pherdo vasta buti. Palata sar palata , sine raskoš, barvalipa , lačhi muzika, o thavdipa e panjengoro taro fontane . O barvalipa taro riznice so si nadžindžurime lulugjencar thaj lačhe boe taro pakhša. Numa an i odoja palata nane sa jekh sar an o aver palate. Oleste dživdinena salde džuvlja. Ov sine jekhutni palata kote i thagarutni bešel ko razboj thaj kerela buti.
O romane džuvlja sar preperutne akale purane naciake avdive da arakhena pore pirane pakjiva. Ko odola pakjiviba thaj avdive da i thagarutni i Kašali an i pri palata “sivel gada bači lačhi baht” sakone eneve biande romane čhavske. Pali rodarin e bahtake sikavel pe i jazia e čhaveskiri thaj den la suporto olakere angelia.
O eftato dive kana ka bijangjovel o čhavo o angleia notirinen i jazia e čhaveskiri . I daj na tromal te zasovel odoja rakj “Te šaj sa o romane dija te oven pativale e Dakare bahtake”. O Roma dur vaketske ka ačhon sine an o drumo e bahtake. Šaj odova ka ovel jekvaš drumo so ka ovel učhardo čerenjencar.
Numa sar sa aver džuvlja agjaar thaj o romane džuvlja si salde džuvlja. Dživdipaja ko diferentno thana lele digferentno religie thaj pakjajba thaj bistergje i čačubi pativ i eftato rakj taro bijaniba”.
Te na resla neko te phergjol bahtaja thaj olakere avera čhave soske ola si ko vasta e thagarutnake thaj olakere angelia. Odova nane te merel taro nasvalipa. lende jakhendar jali bokh. Neko čače kamel te oven lačhe thaj bazhtale. O barvalipa nene le nisavi konekcia thaj odova nane ko vasta e thagarutnake Kašali, thaj e Romnjenge. Importantno si te dživdinen bahtale thaj o barvalipa nane le nisavi konekcia odolea.
Zorali si i Kašali. Oj thaj olakere angelčia korkoro kergje i Palata e gigantsko phakšake Čarani, so gutinelel i jag ko sako 999 berša a palo odova palem bijangjovel taro praho. O Romane džuvlja vakerena kaj i Kašali thaj olakere angelia ki odoja palata arakhena e čiriklja Čarani. soske oj trubula e Romane džuvljake sebepi i jag so na tromal te ačhavgjovel.
