I objekti bašo o Roma so ka kerel pe ki mahala Košutnjak dži kote resen love tari EU thaj i diz nane te preferirinel o daravina taro dizutne tari akaja mahala, a majbut te sine odola notirime sar rasno thaj diskriminatorsko vakerel e dizjakoro šerutno Todorović.
Ova vakerel kaj našti te havel sar šaj nekaske te oven bilačhe 22 apartmania e Romenge taro Čačal so dživdinen an p mozerno šartia an o anglutne mahale, Sakmište thaj an o drom Trnavska.
– Me sar manuš taro Čačak našti havav nekaske na sine bilačhe kana kergje pe 13 neve objektia – zgrade e socialno čorole familienge, a akana bilačjo si objekti taro 700 m2 so kerel pe amare dizutnenge Roma . O proekti ka implementirinel pe garant salde o EU te del amin e proekteske.
Ov vakerel kaj nane te percepirinel nisave daravina te sine odola rasistikane.
–Na mangava aparthejd thaj diskriminacia. našti havav sar o Čačak isi aparthejd. O manuša taro Košutnjak odova phravde nikana na vakergje numa notirinen kaj trubul lenge sportsko centro.
Si len prkal o bairi 5 hektari sportsko centari an i tehničko škola “Vuk Karadžić” si len sportsko tereno, teretana thaj aver.
So te vakeren ko odova okola manuša so dživdinen an i mahala Tikni Kolonia so nane len odova?
Ov akcentiringja kaj o Roma kana ka aven ko odola apartmania te dživdinen ka trubul te respektirinen sa o standardia taro kolektivno dživdipa.
– Ola ka našti te keren buti sar so si khediba sekundarno surovnie thaj aver bukaj so keren sine dži akana. Trubul te respektirinen e khereskoro kanonia sar sako manuš kana dživdinel ko jekh apartmano an i jekh zgrada, vakerel o Todorović.
