Phravde savore džanena kote ko makedonikane phanlipaisi baro kriminalo, numa so si avri taro phanlipa. O phanle so si len love ola lokharen peske o dive ko phanlipa resibaja majbaro komoditeto. taro alkohol thaj droga lačho mebeli thaj interneto. Okola so nane len love phanle si an o kale kelie, bubašvabe thaj muvla. O phanle bašo magazino “Fokus” vakeren sa so šaj kinel pe bašo kobor love ko majbaro phanlipa an i them.
Melale thaj muvlosane kelie taro 12 m2. Akava si majbut ilustririmi situacia taro kelie an o makedonikane phanlipa. O inventari da si sar so si i kelia. Phage kreveti, pharavde dušekia, melale toaletia so si odothe an i kelia.
Numa nane sa agjaar kalo. Akate isi kelie sar so si okola an o desave skandinavsko thema, lačhe šartencar sar so si TV thaj internet. Ola den pe okolenge so si len love.
“Te sine tut love ka anen tuke thaj thud taro čiriklo” Akava si o komentari taro nekobor phanle ko akala phanlipa.
Ko thavdipa šaj dikhen saste teksti an o “Fokus”
