Pobuter milje Roma so dživdinena an o Bor našti prekal pire organizacie te aplicirinen an o kherutne thaj internacionalno fondacie soske i komuna Bor an o budžeto na del love e koordinatorenge tari akaja nacionalno minjoriteto so si anglal šarti an o konkursia.
Te šaj keren akava aktiviteto te len than an o konkursia so ka keren majlačhe dživdipa e Romenge , si hazri sar so vakeren te den koordinatoria so ka oven volonteria.
“Bibahtake vakerel o presidento e Civilno asociaciake ” Centro bašo romane thaj manušikane hakoa – Bor” Šašivar Useinović, numa ni odova nane dendo šajdipa, thaj džanaja kote bizo love o koordinatoria ka keren buti majlačheste numa desave sluđbenikia an i komuna Bor” Ov vakerelka kote maškar o Roma isi terne thaj ambiciozno Roma so kamen te keren buti e relevantno instituciencar ko lačhariba e egzistencionalno momentia thaj o statusi e Romengoro soske si but diskriminirime”.
“Love isi e proektenge. Importantno si te startujnel o procesi, thaj buteder ko starti si hazri te volontirinen an o interes e romane populaciake. Ko Niš sar egzamplo dende si 50 apartmania numa isi len lokalno koordinatori. Amende na sine šajdipa te palicirina, soske nane amen lokalno koordinatori” akcentiringja o Useinović.
