Civilno aktivistia thaj intelektualcia tari romani jekhin roden taro premieri Zaev te prekontrolirinel o hulaviba e funkcienge an i them te šaj ovel majbari participacia e Romen an o themakere institucie. O Romano NGO , aktivistia, intelektualcia prekal akava phravdo lil sikaven piro bičalipa dži ko premieri Zaev , soske maškar o dekretea dende vice ministeria nane ni jekh tari romani jekhin.
„Dikhaja kaj asavki decizia direktno anela o pučiba ko keriba aktivitetia akale Govermenteske an i integracia e romane jekhinake ko sasoitnipa thaj o šajdipa o Roma direktno te len than an o aniba decizie ko procesia thaj an i demokratia an i them. Rodaja o Presidento e Govermenteskoro te dikhel panda jekh drom i andi decizia ko hulavipa o funkcie an i them. Pakjaja kaj an o plania baši inkluzia e Romenge ko sasoitnipa thaj themakere institucie ka noririnen pe Roma ko šerutne funkcie an o odola institucie sp si importantno ko progresi e statuseske taro Roma” si an o phravdo lil kote isi signatura taro 79 persone.
Udžaraja kote o membria an o Parlamenti thaj Govermenti – o deputati Jurto duduš thaj o ministeri bizo resor Samka Ibraimovski te keren reakcia ki akaja andi decizia thaj phravde te dikhen o interesia e Romengere.
