O Parlamenti e Republika Makedoniake ki avdisutni pandžto bešin anavkergja o vice ministeria bahamkerde taro premieri Zoran Zaev.
Maškar o anava taro vice ministeria so si 14 nane ni jekh Rom an i odoja lista.
Akava kergja hari negativno hoš maškar o Roma, so reagirinena majbut prekal socialno netvorko kaj o Roma ko akava mandati si salde dekori soske isi salde jekh deputato thaj jekh ministeri bizo resoro.
Dela pe pučiba kobor thaj ka ovel li Roma an o trinto ešaloni ko direktorskeo thaj aver pozicie.
Dži kote odothe da nane majbut, tegani ka džanel pe kobor si adekvatno o i parola” Bašo majlačho dživdipa” kana si ko pučiba o Roma tari Makedonia.
