Grupa taro čhave taro oftoto klaso tari škola “Karađorđe” margje idž erati romane čhave taro eftato klaso, a odova kergje le sar so vakeren o manuša so dikhle sebepi so si Rom.
Sar so notirinen o mediumia , o čhavo an i školakiri avlin ikerel sine an o vast srpsko flago, a nekobor čhave taro oftoto klaso avile thaj vakerde kaj ov našti ikerel odova flago soske si “Rom”.
Palo odova ola frdingje pe leske thaj khuven sine pirencar thaj vastencar. Oleskoro klasno profesori Vladanka Jakšić vakergja kaj o ratvarina nane odokhar bare kobor si daravutne o motivo akale incidenteske.
– Ole si nekobor ratvarina, numa nane nesavo baro problemo. Numa daravin si so kergje leske atako salde soske si – Rom, vakerel o Jakšić, thaj kaj olakoro siklo si lačho thaj mudro thaj oleskere rigatar na sine provokacia.
Oj vakerel kaj i pkola ka kerel sapo protokolo.
– Amen odova notiringjem dži ki policia thaj kergjem sa so trubul aso i škola, thaj o čhave te den antvorto, ” Kote sine o školsko policajco” kote so pukjinen le korkoro desave jeria, thaj vakeren kaj ko momenti taro incidenti ov na sine odothe soske kov ordirinela ko aver da škole thaj nane le savala te ovel sasto vakti an i jekh škola.
