Prosek plata an o thema tari nekanutni Yugoslavia si but diferentno, aso agorutne informacie i Makedonia si ko agorutno than an i lista.
Ko agorutne thana an i lista si Bosna thaj hercegovina, Srbia thaj Makedonia, o Montengero si ko maškar, a anglal olate kana kerel pe lafi e platenge si o Slovencia thaj o Hrvatia.
Bašo jekh masek o Slovenci ko prosek lela 1.030 eura, ko dujto than ki Hrvatska prosek plata si 750 eura.
O statistike sikavena kote o persone an i Hrvatska so si len fakulteti si len bašo 23% majuči plata taro rposeko, a 50% majuče taro persone so si len maškarutni škola.
O doktoria ko rposeko bašo 102% isi len majuči plata taro okola maškarutne edukacijaja, so si bašo 18% majtele taro prosek plata.
Trinto si o Montenegro kote ko agorutne berša notirinela majraripa . sar egzamplo prosek plata ko 2006 berš an i them sine 282 eura, a ko 2017 berš o prosek si 512 eura.
Palo Montenegro si i Bosna thaj Hercegovina , Srbia thaj Makedonia. Ki BiH prosek plata si 430 eura. prosek plata an i Bosna sar so notirinen tari Agencia e statistikake an i akaja them nominalno si majuči bašo 0,2% ki paralela taro dekemvri persi berš, a si majuči bašo 1.4% ki paralelea taro mart 2016 berš. Pandžto than aso učipa e platake si i Srbia. Odothe prosek plata si 405 eura.
Ko majteluno than si i Makedonia kote i prosek plata si 370 eura.
