O Nacionalno Romano Centri suportoa tari programa e Europakere Unikae ” I Europa e dizutnenge” an o 01.06. organiziringja promocia e tikne dokumentarno filmenge kerde taro o akteria so lele than an i media kampo Buvero 2016 berš- Sine promovirime o trin dokumentarcia : ” Dživdipa, “Romani Sofra” thaj “Učahirna taro dživdipaskere storie”.
“Dživdipa” si biografsko filmi e pendžarutne romane giljavutneske Erdžan Ameti , storia pherdi memeoriaja thaj olesker muzikaja. O scenario thaj režia si tari Atidža Jumerovska, Šezadina Medik thaj Mejrem Kasum, telal o mentorstvo taro Ašmet Elezovski.
“Romani Sofra” sar video storia e tradicionalno romane hajbaske so si barvali ko keriba hajba, olakiri kulturakoro percepcia. Aurotia e filmeske si Fejme Mustafovska. Sabina Feta thaj Safeta Asanovska telel o mentorstvo tari Slavica Kjurčinska.
“Učahirna taro dživdipaskere storie” si kreativno dokumentarco bašo 4 dživdipaskere storie sikavde kii forma so kergje baro intereso ki publika an i promocia. Austori e videoske si Melisa Fejzulova, Mejrem Demirovska, Melani Bangova thaj Dženita Adilova telal o mentorstvo taro Irfan Martez.
An i promocia oficialno sine dende sertifikatia sa e personenge so lele than an o media kampi “BUVERO 2016”
O media kampi “BUVERO 2016”, si programo si programo taro terne romane čhija ko baripa taro 18-26 berša tari Makedonia. Šerutni resarin si te den motivacia e romane terne džuvlenge orekal treningo bašo žurnalistia thaj istemalkeriba inovativno digitalno tehnologia. O treningo sine realizirime an o avgust 2016 berš An o teoretsko kotor o ekspertia tari diferentno aspektia ikergje sikaviba ko akala teme: vizuelno historikano naracia, mediumengiri etika, identitetom funde an o žurnalizmo, funda an i fotografia, video snimiba thaj tv editoriali praksa kote o akteria sine hulavde ko grupe thaj sniminena sine thaj editorinena sine pire kerde video aktia.
