O tamikeriba 25 kherenge kote ka oven 50 apartmania thaj thanjarde 50 romane familie ka startujnel ko sig vakti, sine akcentirime an o dizjakoro parlamento an o Niš ko faisali e problemeske taro romane mahale taro Niš kote i Europakiri Unia dela 9 milionia eura.
O proekto kote o Niš apliciringja dži ko Ministeriumi bašo finansie sine akceptirime a i dokumentacia ko majbaro kotor sine lačhe kerdi. Ko akaja forma o problemo so si but bilačhi thaj nahumano situacia dživdipaske an o romane mahale ka oven faisalkerdo.
Akale lafencar anglal o Parlamento sine i persona taro ofiso socialno pučiba i Tijana Djordjević Ilić , panda nane saste definirime o kriteriumia sar ka oven alusarde kola romane familie ka šaj te aplicirinen akale aprtmanenge, numa akcentirinela kja akava si salde lačho starto akale problemeske.
