Angleder 7 berš an o Maribor, Slovenia ali sasti loto mania. Trujal so angleder nikana o Jašar Arifi na khelgja lotto.
Ko jekh momento ko lokalno “Mercator” khelgja loto a plo desave divesa bistergja piro loto tiketo, nakhla taro than kote so hramosargja o loto thaj pičlja e manušnja si li leskoro loto tiketo phursakoa.
Ni hari ni majbut i manušni saste bahtali vakergja kja oleskoro loto tiketo reslja i premia. Pučlja la kobor si o love so ka lel thaj sar te lel o love, oj vakergja kaj ov astargja 5 milionia eura!
Tegani uli sasti euforia thaj agjaar “saste tromale” gelo khere. Kana reslja ov pire romnjake vakergja te kerel jekh kafa.. Kana bešle te pien i kafa ov vakergja lake : ” Astargjem ko loto u premia”.
O aver dive bizo te vakerel saste jekhvaš časo angleder te pitrel i direkcia taro Loto an i Slovenia avilo thaj membro tari jekh banka em saste dur savoprendar vakergja kaj sa o love te transferirinel an i jekh švajcarsko banka.
Ko anava akale premiake akhargja pire paše manušen thaj familia ko hajbe thaj pijbe. Od tegani i familia Arifi dživdinel piro suno bizo but publiciteto. Ov majodorig kerel piro bizniso thaj piro normalno dživdipa bizo baro publiciteto.
