Kotor taro dovogende džuvlja pukjinen pire kontrole ko matično ginekologia, trujal so aso o Kanoni trubul bi lovengoro ginekološko kontrole thaj mikrobiološko thaj biohemisko analize. Akala aktia o Ministeriumi bašo sastipa kergja promocia an o noemvri 2015 berš. Ko jekh o džuvlja so nane len sastipaskoro siguriteto šaj bilovengere kontrole thaj bianipa ko themakere sastipaskere institucie. O bukjarne ko opšto hospitalo an o Kumanovo vakeren kaj o bianipa si bilovengoro.
O džuvlja taro Kumanovo thaj taro aver thana an i them vakerena piro džanlipa ko vizite e matično ginekolonge ko vakti kana sine dovogjende.
„Kana na sine man sastipaskiri legitimacia o matično ginekologo pukjinel mandar sine paše 800 denaria ko masek , sar egzamplo 400 denaria bašo eho , 400 denaria bašo brisia” vakergja i Resmija. Baši laboratoria pikjinen sine po 400 denaria. Ikljola kaj ko masek hulavel sine 1000 denaria.
Asavko džanlipa ko matično ginekologo , hulavgja i skopjanka Lidia K. Oj vakerel kaj odova si olakoro dujto dovogjilipa. Vakergja kana kergja o jekhto eho te zojrakerel piro dovogindipa pukjingja 300 denaria.
I Daniela si jekh taro raritetno pozitivno egzamplia kote olakoro matično ginekologo na pukingja o kontrole ni jekh denaro ko vakti taro dovogjindipa, sar aso kanoni diferenciajaj tari resmia thaj i Lidia so vakerena kaj o matično doktoria pukjinen sine bašo kerde kontrole.
