O nevo ministeri bizo resoro an o Govermento e R.M. Samka Ibraimovski taro plo anglutno kolega Neždet Mustafa lelja i funkcia an o Ministeriumi bizo resoro.
O Neždet Mustafa manglja leske but baht thaj sukceso an i buti e neve ministereske Ibraimovski.
Ko jekh o nevo ministeri Ibraimovski vakergja kote an o oleskoro mandati ka dopherel but bukja so trubul te keren majšukare buti.
Ko jekh dophergja kaj ka kerel majbaro angažmano an o socialno problemia thaj i strategia e Romenge an i konekcia e Ministeriumea baši buti thaj socialno politika.
Ov akcentiringja: ” I idea si te kerel pe progresi thaj dengja propozalo i Romani dekada te džal majodorig thaj odoeske ko kiro kabineto ka ovel timi taro manuša so kergje buti an o Briselo thaj Strazbur.
Si man koncepto so ka kera buti. O avgo 100 divesa ka vakera dži kote siem thaj save si amare idee” vakerl o Ibraimovski.
Palo formiriba e Govermenteske o Ibraimovski informiringja e premiere kaj ka del propozalo ma te ovel le govermenteskoro vordon thaj šofero, trujal kana ka trubul te dromarel avrial tari Makedonia.
