I Sanie Musa (35) si daj taro 6 čhave kote 4 si tikne. Dživdinela ko baro čorolipa an i romani mahala Bair an i Bitola a o socialno so lena na ikljol mareske a. O čhave agorkergje salde 4 klasia škola thaj na džana akana ki škola. Akana mangen devlenge an o droma an i Bitola.
„Ola sine malteretirime averendar kana džana sine an i škola palo odova čhinavgje te džan soske na sine man love te kinav lenge šea, menie thaj aver” vakerel i Sania.
Asavki situacia si paše ko 500 romane familie tari Bitola so bizo elementarno šartia dživdinen ki nangi egzistencia , diskriminacia, getoizacia. majbaro kotor olendar ko olengere khera nane ni elektrika ni pani.
Odova si karana so majbaro numero si hulavde o Roma an i škola Gjergi Sugarev kote si formirime romane paralelke taro čhave. Akaja forma tari diskriminacia si soske o jeria e aver čhavengere na mukhen e čhaven te džan e romencar an i škola, numa džana an o aver škole.
Taro sektoro bašo edukacia tari bitolsko komuna vakeren kaj te nakhaven akava problemi dengje o profesoria propozalo thaj apel dži ko aver jeria te anen pire čhaven an i akaja škola te sikaven kaj mangen barabutno dživdipa trujal so na preperen an o akava reoni.
Tari komuna Bitola panda nane džovapi sar šaj faisalkerel pe akava problemi kote an i akaja mahala isi salde anav jekhe dromeske thaj duj numeria soske si nalegalno o khera so si kerde odothe thaj bizo thanjaribaskoro sertifikati thaj našti ikaven ni dokumentacia baši personalno identifikacia.
Link: : http://telma.com.mk/vesti/bitolskite-romi-baraat-podobri-uslovi-za-zhivot
