O Roma taro mahale “Tri Bagremi” thaj kotor tari “Debarca” an o Prilep nane len avipa dži ko javno ofisia , soske akala mahale nane kotor taro urbanistikano plani. O khera kerde an o učipa , si len panja thaj ziani an o duvaria , o khera so si trujal o kanali i atmosfersko kanalizacia an o “Debarca” .
O reoni trujal i Dabničko reka isi bare barikade te konektirinen pe e elektrikane netvorkoa, a kotor taro “Tri bagrema” nane len legalno avipa.
Rakjate nane elektrika an o droma i higiena si but teluno nivelo, o gunoj na khedela pe , nane kontejneria a e dizutnen nane len love te kinen kante taro JP Komunalec.
Odoleske akala dizutne thaj o čhave si an o riziko taro infektivno nasvalipa. Akava si kotor taro problemia so isi e Romen tari romani mahala “Trizla” an o Prilep so si hulavdi an o štar kotora: “Novo Selo, Meksiko, Deboj thaj Tri Bagrema. O problemi thaj o faisali si kerde an i ekstra studia kherutnipaske e Romenge an i komuna Prilep, kote i NGO “Roma S.O.S” an o partenr konekcia “Habidat -Makedonia“ thaj o Nacionalno demokratikano Instituti kergje terensko konektiribaja 600 familie tari akaja mahala.
„ Te kerel pe degetoizacia e Trizlake thaj te investirinel pe an po tamikeriba stambeno apartmania jali individualno apartmania te dživdinen romane familie so si an o riziko ko thana tari Komuna so ka kerel šartia kherutnipaske. Te anen pe kontejneria ki mahala prioritetea an o majbare droma te ovel majlačhi sasti higiena e dizutnenge” vakerela o Nesiem Salioska taro “Roma S.O.S”.
Numa o rodaripa so si adresirime dži ki Komuna thaj aver institucie na šunel e dizjakoro šerutno e komunake o Marjan Risteski soske kana alo haribaja thaj dengja vakerin e mediumenge palo odova gelo peske angleder te startujnel i debata e problemenge so isi e roamne populacia an o Prilep.
Numa ov na pomukhlja te kerel peske baripa e Kanoneske baši legalizacia taro nalegalno khera thaj havlajrgja neve proektia an i mahala “Trizla”
„Prioriteto e lokalne institucienge si te vazdel i edukacia an o majbaro nivelio, a i škola ” Dobre Jovanovski” na sine kerdi rekonstrukcia sar si tamikerdi taro starto, odoela so si dende paše jekh milionia uera olakere rekonstrukciake” vakergja e dizjakoro šerutno Risteski. Ake soske si bibahtale o Roma tari akaja mahala.
You tube: https://www.youtube.com/watch?v=hsP2itb_J7E
