O šefi e themake Gjorge Ivanov avdive dengja o mandato te formirinel nevo govremento e lidereske taro SDSM Zoran Zaev.
O ustavno roko te del pe o mandati taro Ivanov nakhela sine an o 19 maj kana an o 9 maj akava berš o nevoalusardo presidento an o Parlamento Talat Džaferi lilea informiringja e presidente e themake kaj si formirime nevo parlamentarno butiba thaj rodingja olestar te del o mandati te šaj formirinel pe o govermento.
O Ivanov anglutne nekobor droma rodel sine taro nevo parlamentarno butiba “garancie te arakhel pe o unitarno karakteri e themake”. Ko deiba o mandati o nevo mandatori Zoran Zaev dengja sa odola garancie.
