Ko 15 berša palo hulaviba e Jugoslaviake , an o januari 2007 berp o purano presidenti Kiro Gligorov kerel sine lafi odoleske sar šaj sine o mariba ma te ovel, dži kote na sine sueta thaj personalno ambicie taro teganutne lideria tari Srbia thaj Hrvtaska o Slobodan Milošević thaj o Franjo Tudžman.
Asavki percepcia sine thaj averen internacionalno političaria thaj analitičaria, a avdive savore pučena pe so ka ovel sine o presidentia taro sa o republike tegani te astaren sine i aplikacia majsig khujbe an i EU thaj finansisko suporto taro 5 milijarde dolaria.
O plani so an o Beograd angja e europakere trin džene šaj sine te kurtalinel e thema taro mariba thaj te iranel i historia ko akala thana ko nesave aver drumia?
Buteder kateria ko akala čipote beršencar napalal vakeren kaj odova na sine seriozno propozalo. Aso o Kiro Gligorov angleder o hulaviba e Jugoslaviake sar agorutno akti ma te avel mariba maškar o republike , an o Beograd avili “europakere trin džene” O Žak Delor presidento an i Europakiri Komisia, Hans Van den Bruk thaj o ministeri avrutne politikake taro Luksemburg m Žak Santer tari them so ko odova momenti sen presidento. Ola khedingje sa e membron taro presidiumi thaj alusarde presidentia te šaj sikaven piro plani.
„O Žak Delor drabargja propozalo so sine dendo taro Konsilo tari EU. Majanglal politikane deciziaja i Jugoslavia ko momenti te khuvel an i EU. Dujto dži kote ovel sukcesiali i reforma taro Ante Marković ko budžeti te resen taro EU 5 milijarde dolaria. Numa tegani sikavgje pe sar nakonvencionalno korelacie maškaro presidentia taro republike – jekh te vakergja A, o aver vakerel sine B” vakergja o Gligorov ko 2007 berš.
Ov vakerel kaj hošinela ov da džpvaplipa soske sine kotor taro odova timi.
„Nisar našti sine te pkaja amen maškar amende. Me mande našti dikhav sine ko asavke manuša so dikhen sine kaj sa okova so sine an i Jugoslavia angleder sine bilačhe thaj feleri. Sine em rezultatia. Odola bukja trubul sine te hulaven pe. O Delor tegani vakergja kote sako republika so mangel te ovel buathinali ka trubul te kerel referendumi, thaj odova te manglja i nacia, oj ka ovel primimi an o UN” vakergja o Gligorov.
