Sa majpaše si o mature. Len pe kreditia taro 600 dži ko 800 eura te hradžinen o jeria so akava berš si len maturantia an i makedonia te šaj učharen sa o borči taro maturakoro utsavakeriba.
Te šaj učharel pe jekh matursko utasvalkeriba len pe kreditia ko pašipa taro 1.000 eura so ka pukjinen len ko berša so avena. O fustani jali odelo so kinena pe si upreder 100 eura, o menie upreder 30 eura, o frizire thaj make up si 40 eura. O nakit, čante thaj aver bukja hulaven pe dži ko 30 eura . vakeren o jeria e maturantengere.
Trujal akala borčia sar so vakerena an i lista si čhivde thaj o keriba o utsavalkeriba e paše familijaja ko kher kote akaheren pe amala thaj familia a odoleske trubul majhari 300 dži ko 400 eura hajbaske thaj pijbaske.
Nesave maturantia an i Makedonia džana majodorig so kinena thaj dizajnirime šeja taro pendžarutne makedonikane dizajneria thaj dena šel eura salde nekobor kotora tari garderoba.
Ola vakeren kote baro kotor taro čhija bašo maturakoro party keren frizure , make up thaj čhiven veštačko trnakia ko pendžarutne make up studia kote o paketi bašo lačhariba džana taro 60 dži ko 100 eura.
