O muzičari thaj čhavo taro legendarno Ljubiša Stojanović -Luis, o Marko sa so džanel e muzikake siklilo taro plo dat.
-O Luis ni ki muzika ni ko džbdipe na kerel sine kompromisia – vakerel o Marko. Taro tikne berša šunava sine soul thaj džezi, numa bajrola sine em e folk muzikaja, so giljavela la sine oleskiri daj. Mangel sine te giljavel la ” Ne kuni me, ne ruži me majko” so anavkergja la sar pli gili truhal so sine oj purani srpsko gili. Džabv majodorig e tradicijaja taro mlo dat, na te emitirinav le, numa logično drom soske si amen jekh a jekh percepcia. Ov phanel sine o naphanlo, anglutne so niko na kergja ole thaj kergja piro specifično stilui. Trujal so si odova an i funda e folk muzikake olate sine but elementia taro soul, džez thaj fank. odova sine lumiakiri muzika. Mo dat mukhel sine te šuna e Stiv Vonder, rej Čarls , Čik Kori, but fjuđn, džezi thaj instrumentalno muzika. Džejms Braun šunav le sine taro mle ofto berša. Familiarno džaja sine an o koncertia taro “Soul II Soul”.
Taro kherutne vokalis šuna sine Oliver Dragojević, Zdravko Čolić, Haris Džinović. Mo dat but droma legarel amen sine an o romane kafane. Ki godi čhivgja mange i romani muzika so avdive da but šunava la, a folk muzika na šunava, mangav te džav ko romane kafane te šunav odoja muzika – vakerela o muzičari so akana sig ikavgja o singl “Perela i rakj” kote than lela thaj i indisko giljavutni i Rana Saksen.
Link: https://www.youtube.com/watch?v=9qpWjV_6HzU
