Šel Roma khedingje pe ko kvarti Sari an i Anglia ko paruniba e dadeske tarp rialiti čeren Pedi Doerti. Sajmon Doerto ka ačhol lipardo sar ” dat sa e dromarutnenge” sar an i Britania akharen e Romen. Pobuter taro 12 silber “Rols rojs” , a ko sako tergjol sine irsko flago, sine anglal i khangiri Sv Majkl. O tabuti sine nadžundžirime irsko flagoa thaj mesažea :” Sajmon Doerti – kovači, thagar sa e Doertenge”.
O Sajmon Doerti sine sar mafia, numa na ko bilačhi forma – sa o problemia pučen le sine – vakerel oleskoro čhavo o Pedi. Sine kumo savorenge a okova so ka vakerel odova si kanoni. Vakergja kaj na trubul niko te rovel ko oleskoro paruniba , savore te giljaven, te oven bahtale thaj mate. Na sine prosek manuš. Sine ekstra. Oleske sa trubul sine te ovel pandž čerenjencar , dživdinel sine majlačhe so šaj sine. sasto vakti kana sine o ceremoniali an i khangiri o Pedi Doerti (58) eks bokseri so na sine le rukavice , tergjol sine vastea upral o tabuti pe dadeske. Ko limor mukhen sine vencia an o forma sar nakovalna, šiša viski, “rols rojs” . Hariale balonia šatr patrinencar thaj šov parne gulabice sine mukhle upre ki havaja. O manglo parapapu sine le upreder 80 berša kana mulo. Oleskoro čhavo o Pedi sine čeren an o realiti šou ” Baro thulo romano biav” thaj an o “Big brother”
