O Šefket Kovačaj si jekh taro srpsko themutne so si irame tari Švedska upral i funda taro kontrakto e readmisijake , numa si hazri palem an i nevi “avantura”: ” nane man buti, nane man kher, nane man khanči, geljum te dikhav si li majlačho than , numa irangje man tari Švedska. Aljum akate numa palem sa jekh si. Palem nane man buti, na resljum te arakhav, a sium prekal i profesia mašino bravari. Si man štar čhave so na džana na i škola soske nane man finansie – vakerel o Kovačaj numa taro zori iraniba an i them te sine agjaar sar so si akana palem ka džal ki Švedska. O Kovačaj numa torea irame an i them nikastar na rodingja suporto. Na salde ov, aver da asavke situaciaja isi so ka lokharen o hali.
An i Srbia dži akana si irame but manupa upral i finda tari kontrakti baši readmisia , kote 80% olendar si Roma.
Ko jekh o Sevdali Imer sine irame tari Germania akana dživdinela an i Batajnicam thaj vakerel gelo tari Srbia soske na sine le buti. Ov da thaj o Kovačaj na rodingje suporto tari them.
– E čhavenge trubul but bukja, numa nane amen love te džuvdina. Bibahtalo sium so džav tari Srbia, numa čače odova si mange jekhutni opcia , vakerena ola.
