Pativalen
I Internacionalno Romani Unia – IRU sar majbari aktivno internacionalno Romani organizacia, ko avipa e notaciake taro 46 berša taro ikeriba o Jekhto Lumiakoro romano Kongreso an o London, Britania, kote odova dive si čhivda i funda avdisutne Romane identitoske (flago, himna, terminilogia Roma thaj Romani nacia) bičhavel an o sa o institucie thaj media – publikumi i Internacionalno Romani Unia – IRU havljarel akava:
M A N I F E S T O
Vash 8-to Parilo . Ubteracionalno dive e Romengoro, o IRU rodela majbaro angažmano taro nacionalno govermentia thaj o internacioanlno institucie an i konekcia e Romane organizaciencar thaj institucie te notirinen akala date so si importantno e Romenge. odova si te organizirinen pe kulturakere manifestacie, konferencie thaj simpoziumia.
IRU rodela o 2-to Avgusto – Dive vash Romano Holokausto – Poramojs – Samudaripen. Te phraven pe majbaro numero memorialno muzeia, te vazden pe thaj notacia an o liparia ko sa o lokacie thaj thana kote si kerdo o romano mudaripa thaj teroro. Ko jekh o IRU ka lel sa o jurisdikciakere instrumentia thaj angažmano vash o butikeriba taro sa okola organizacie so kergje aktiviteto upral o Romano holokausto.
IRU ka rodel majbari notacia e Lumiakere diveseske tari Romani čhib, 5-to Noemvri – Dive tari majbari Romani kulturakiri identifikacia. Akava dive te kerel pe majbare numeroa organizirime literaturno, ukakere simpoziumia, teatarsko, edukativno thaj kulturakere aktencar. Ko jekh o IRU rodela taro Romano europakoro kluturakoro Instituto an o Berlin so sine dendo suporto taro IRU te formirinel pe te kerel majabro transparentno aktiviteto thaj butikeriba an o profesionalno nivelo an o sa o segementia taro aktiviteto.
I Internacionalno Romani Unia – IRU rodela konkretno akcia an o sa o thema thaj Govermentia taro thema an o EU thaj aver kote o Roma kergje migracia thaj roden azili, soske savore amen džanaja kote savoren si len hako an i diferencia so si kotor tari demokratia, te anen strateško dokumentia, platforme thaj instrumento vash protektiva thaj respekto e Romane hakoeske.
O IRU rodel konkretno akcie taro NGO sektoro prekal kerde civilno platforme so ka ovel čačutne akcie thaj vakteskere terminia vash realizacia a so si an o intereso e Romenge.
O IRU akharela e Romane politikane partien thaj politikakere faktoria te keren buti konkretno thaj majuče respektoa te šaj arakhel pe dekreto e Romane pućošaske thaj politikake a ko jekh an o olengere poltikane programe te realizirinen pe o interesia e Romane naciake.
O IRU rodela majbaro finansisko angažmano taro thema thaj institucie an i realizacia sa akale prioritetenge thaj socio em ekonomsko politika. Ko jekh rodel pe majbari akcpecia e Romenege an i implementacia an o akala prioritetia, kote si thaj i programa taro EU – 2020 thaj i programa taro West Balkano. Transparentno thaj kontrola e dende finansienge an i realizacia thaj implementacia, te del pe raprto thaj majbaro profesionalno angažmano e Romenge an o sa o sfere taro aktiviteto.
O IRU si o aktiviteto taro internacionalno membria so si an o ERTF te džan majodorig e dialogoa ko faisali e romane pučibaske an i Europa thaj i lumia thaj sar majuče akceptirime ofiso thaj oficializacia e Romane ombudsmano an o Konsilo e Europake, Europakere institucie thaj Unime Nacie.
Respektosa
Zoran Dimov
Presidento an o IRU
