Sa o bahtarina džana dži ki komuna Bujanovac . Akava akti akale komunake resel respekto soske avgo dengja pe godi an o pervazia taro pire ingerencie te den respekto e legendarno romane thagareske Šaban Bajramović.
Trujal akaja inicijativa lungo vakti debatirinel pe sine thaj an i diz Niš, biando than taro Šaban bajramović thaj o sporno momenti ko anavkerdiba jekhe dromeske prekal o romano velikano, i komuna Bujanovac bizi desavi bari buka angja i decizia thaj kergja urgentno realizacia.
Akava akti trubul te respektirinel pe thaj te del motivo aver komunenge , ekstra an i Srbia kote hari lačhe mangipaja šaj te kerel pe but barabutne sadživdipaske maškar sa o entitetia.
