O khedipa “Han” an i srpsko diz Vladički Han, bičhavgja akahrin dži o sa zainteresirime persone taro romano nacionaliteti te prijavinen pe baši implementacia e proektsko terensko aktiviteti ko khera thaj romane mahale, so ka den arka e phurenge, nasvalenge, thaj invalidia Roma an o romane mahale an i teritoria e komunake Vladički Han. I programa ka implementirinel pe taro 22 januari dži ko 22 maerti ko šov romane mahale an i akaja komuna.
O Khedipa “Han” akale akciake ka angažirinel šov personen bašo sa akala romane mahale. Ko aktivitetia trubul te ovel thaj doktori so aktivno ka lel than ki implementacia e aktiviteteske. O persone so ka len angažmani ko akava, ka ovel olen fiksno lovengiri plata kote anglal ka keren sar Kontrakto bašo angažmani. O zainteresirime kandidatia šaj te prijavinen pe an i komuna Vladički Han, sa dži kote na startujnel akava proekti.
