O manuš so sasto respekto si le taro buteder Roma an i Europa thaj Balkani kote so ko agorutne berša kerela zori te kerel pašakjeriba maškar o Roma thaj akana pohari ov tromarela.
Karana akaleske si i terni thaj atraktivno Romani čhaj tari Hrvatska i Emina so si ki konekcia e pendžarde Legia Paterson thaj akava lengoro mangipa ka finiširinel prandinaja.
Palo kerde aktivitetia taro Paterson so sako drom sine tari rig e majčorole Romenge akana kerel nevo drom ko plo dživdipa. Pali i tragedia so uli ki leskiri paše familia , kote ki trafikoskiri bibaht plo dživdipa našavgja oleskoro majterno phral o Leventi, mukhlja bari duk ko oleskoro ilo taro Legia.
Sa akaja situacia o Legija te šaj majlokheste te nakhavel akava momenti garavela sine plo privat džuvdipa.
Ov reslja sebepi i Emina so sine lea ko akala phare momentia.
Akana si ko lačho drom te nakhavel akala pharipa. Trujal i prandin ov akana startujngja neve biznisea. Ov ki diz Dizeldorf, Germania phravgja lokali šiša bar “Florida”. odova lokali akana si perutno than kote so aven thaj kheden pe o terne Roma taro akava kotor e Eiropake.
Aso o Legia an o lokali ka organizirinen pe diferentno aktivitetia kote ka ovel lačhe zabave em parti. Jekh olemdar si havljarde bašo 14 aprilo kote organizirinel pe jekh interesno zabava kote ka ovel karaoke thaj humori e misafirea o Cirko tari Ajgara bend taro Skopje a ko jekh aver da misafiria taro romane giljavutne čerenja a jekh olendar si havljarde thaj o Ramadan Bislim Ramko.
Sa na sa o Legia Paterson šhravel neve opcie ko plo dživdipa. Te ovel sukcesialo!.
