I Makedonia si šatrto an i Europa, odolea so olakere dizutne našti te ikljon jekh drom an o masek an i jekh kafa jali te han avrial taro kher . O informacie taro Eurostat, statikiano ofiso an i Europakiri Unia, havljardo idžerati , sikavela kote 29,1% taro dizutne an i Makedonia našti te ikljon ni ki jekh kafa jali pijba thaj eventualno hajbe avrial barabutne pe amalencar jali familiaja jekh drom an o masek, soske nane len love.
An i Švedska pohari taro 1% taro dizutne , jali majprecizno 0,8% našti te ikljon jekh drom an o maske an o jekh pijbe jali hajbe. Palo odova aven i Finska (1,5%), Danska (3,2%), Holandia (3,35), Čehia(3,4%) thaj Luxemburg (4,1%).
An i makedonia jekh taro trin kotora dizutne jali 32,7% našti lel than an o aktivitetia kana si len tromalo vakti. An i Srbia odova procento si majtikno 31,4. An i Finska salde 3,2% taro dizutne našti ikljona ničale fizičko aktivitetia so nane konektirime e lovencar dživdipaske.
Majbilačhe an o EU si an i Romania paše 56,1% nane len kvalitetno tromalo vakti. Palo odova avela i Bugaria 37,5%, Litvania 35,2% thaj Ungaria 32,4% nane len love te len than an o aktivitetia so nane konektirime e bukjaja.
