O Fransoa Oland an o piro lafikeriva ko Montruel Belay Meine et Loir so sine jekh taro makbare logoria paldibaske e Romen an i Francia thaj majbaro logoro vash internacia e Romenge an i Francia. Ov athinela o džovaplipa e Franciake an i akaja tragedia.
Akale athinalipaske o Roma udžargje pobuter taro 30 berša.
An i ceremonia notirina e nacionalno memorialno ceremoniake so ikergja pe an i odojal lokacia taro konc logoro ko vakti taro Dujto Lumiakoro mariba.
Akate notiringje pe 70 berša taro tromalipa akale logoreske thaj i bibaht e Romane naciake.
„P šefi e themake akcentiringja: ” Alo dive kana trubul sine te vakerel pe o čačipa. I Francia athinela piro džovaplipa” vakergja o Fransoa Oland.
Akava si jekhto drom kana jekh presidento e themake vakerel phravde e džovaplipaske e themake ko paldiba e Romenge, palo lungo vakti rodariba akale faktenge.
youtube : https://www.youtube.com/watch?v=vkrPeCRTPkA
