O Roma na čoren čhaven jali aver čhane: na čorena ni majbut ni majhari numa o na-Roma
O pakjiv kaj o Roma čorena čhaven ko sa europakere thaj avri europakere sasoitnipa thaj kulture . Numa rodaripaja taro abro numero akcie, avdive džanaja kote thaj soske iklilo asavko pakjajbe thaj ačhilo dži ko avdusutnoi dive.
Kana odova sikavgja pe ki Pašćimali Europa an o 15 veko o Roma sine socialno marginalizirime thaj stigmatizirime, jekhe formaja sar so si o hristiania kana keren sine e jaudienge.
I pakjiv kote o Roma čorena čhaven,legarel pe sine thaj zojrakerenea pe pakjavibaja prekal lačhi literatura. Jekh germansko autori sikavela kote o motivi e čorde čhavenge na havel pe prekal e džianeskoro vakeriba thaj avgo drom dikhela pe an i Servanteskiri novela ” I tikni romani” (La Gitanilla, 1613), a palo odova nakhela an o aver baro numero forme sar egzampli an o Minjon e Gete Vilhejm Master taro 1795 berš, a i kulminacia resela taro naluč romania ko agor taro XVIII veko thaj dži ko avdisutno dive an o literaturno kotor e čhavenge thaj ternenge.
Vaktea o storie e čoribaske čhaven resel negativno forma. O protagonsiti taro Servantes o Roma arakhena e čhaja bare mangipaja kote an o agor prandinel pe barvale manušea. An i čhavorikani literatura i jazia taro čordikane čhave si but bilačhi: na salde so ačhona bizo jeria ola keren buti te šaj anen love e familiake. O storie e čorde čhavenge konektirinel pe jekh importantno pedagoško konsekvenca , daravipa e čhaven so na šunena: Te na šungjan ka len tut o Roma.
Link: http://pescanik.net/kradu-li-cigani-decu-otkad/
