I EU finansirinela o tamikeriba e kherenge taro 9 romane familie taro Vladički Han taro o gavutne taro gav Prekodolce kote o tamikeriba trubul sine te startujnel panda ko masek avgust thaj kerena blokada. Ki tabala kote si i lokacia tamikeribaske tergjola ” Starti tamikeribaske avgust 2016 berš ” numa taro tegania trujal e policiakere asistenciaja na čhivgje pe o funde.
Enja romane familie kaskere khera sine zijankerde taro bare panja sine improvizirime thanjarde lko kontejenria thaj panda nadžanel pe kana ka oven kerde olengere khera.
O gavutne keren reakrica kaj i phuv kaj ka keren pe o khera si olengiri. Amen nane te mukha te keren pe khera an i teritoria amare Mesno jekhinake, vakerena tari MZ Prekodolce.
O membro tari odoja MZ vakerel kaj ka anen lenge problematično manušen.
O khera so trubul te keren pe si ki lokacia dur 3 km taro olengoro gav , numa o gavutne si kategorično kaj na mangen te šunen te keren pe khera ki odoja teritoria. ” Sar šaj o EU te ovel gazda amre phuvjake?” vakeren o gavutne. Membro tari komuna Vladički Han vakarel kaj akava lačho thaj humano gesti taro EU thaj ka arakhel pe desavo modulatui te keren pe o khera. Ko kontejneria kote akana sovena em bešen akala romane familia ko jekh kontejneri sovenaem po ofto džene.
