I familia Arifovski taro Skopje, sine hazri te chidel ko drumo baši Bugaria. Numa ki simantra an i Makedonia sine lenge vakerdo kaj našti te nakhen i simantra. Taro 2010 berš sa dži ko 2016 berš pobuteder taro 20.000 persone ko asavko čhani sine namukhle te ikljoven tari Makedonia. Olendar 90% sine Roma.
21 adalateskoro aktia mujal o Ministeriumi andrune bukjenge baši diskriminacia e Romenge akceptiringe o NGO KHAM – Delčevo. O direktori vakerela kote šov aktia si andi pozitivno decizia. Aver organizacia asavke misiajaj o Instituti europsko pilitikake m vakeren kaj i diskriminacia ko agorutne duj berša si tiknjardi.
Palo ikaviba e vizakoro režimi e makedonsko themutnenge te šaj khuven an i Šangen zona an i Europakiri Unia taro 2009 berš nekeboro europakere thema sikavgje riziko situacia taro baro numero so rodena azili an o thema.
Ko pobuteder droma makedonsko themutne sine irame tari Germania, Belgias thaj aver thema, majbut Roma kaskere aplikacie azileske sine irame. Od tegani e eruopakere legaripa kerena sine presia upral e makedoniakere administracia te kerle majbari kontrola ko iljojbe tari them e manušenge so si potencialno riziko ko okola manuša so šaj rodena azili.
Link: http://tv21.tv/mk/?p=120123
Youtube: https://www.youtube.com/watch?v=fSVkViXjDno
