O vicepresidento an i Liga vash socialdemokratia an i Vojvodina , Aleksandar Jovanović, sebepi o Dive tari socialno jekhipa an o 20 fevruaru notiringja kaj i Srbia oj te ovel garvasiali.
Ov an i vaktavin notiringja e Srbia sar thej kote isi majbaro naegaliteti maškar o majbarvale thaj o majčorole.
– Akaja them kote o roziko taro čorolipa dživdinela sako trinto čhavo, a sako oftoto čhavo si an i familia so phareste ikljol an o agor e masekoske – akcentirinela o Jovanović.
Aso oleskere lafia i Srbia si them so si majbari diskriminacia kana khuvel pe an i buti, thaj odothe si involvirime o džuvlja, persone invalidetea, phureder manuša thaj o Roma.
– Akaja si them kote o hakoa e bukjarnengere lejba i phuv taro manuša o rezerve e naftaja thaj gasea amenge thaj amare čhavenge keren sevdža nekobor dizutne partie – vakerel o Jovanović. Dopherela kote sa o dizutne si svedokia kote o presidento thaj aver funkcioneria “isi len hohavne thaj šubikeribaskere diplome thaj doktoratia, a o terne manuša so isi len čačutne diplome našen tari i them”.
