Ki Slovakia dživdinena paše 250.000 Roma ko nalegalno khera. Dži akana sa akava sine toleririme. Numa e neve kanonecar akana o legaripa šaj te peravle akala objektia.
Ko pašipa šaj ovel humanitarno katastrofa.
Odola objektia si ko privatno tereni thaj bizo sertifikato taro gazdia odole phuvjake. Beršencar o dizja mukhen sine nakontrolirime tamikeriba kherenge. Numa akana i them mangel sa odova te kontrolirinel. :” Ka anel pe regulativa te čhinaven pe o nalegalno keriba khera” E neve kanonea ka eliminirinen pe sa o nalegalno objektia . ” O Parlamneto palo nilaeskiri pauza te angja dekreto akale kanoneske ka trubul te kerel pe oprekal o neve kanonia”.
Šajdipa baši dopherdi legalizacia taro nalegalno objektia ka čhinavel pe. Akale kanonea šaj te ovel nevi humanitarno katastrofa an i Slovaki.” Isi šajdipa upreder 150.000 manuša te ačhon bizo khera” vakergja o Peter Polak membro bašo Romane pučiba an i Slovakia.
„I them, trubul te lel o džovaplipa bašo kerde anomalie so si kerde deceniencar napalal. E gazdengje tari odoja phuv trubul i them te pikjinel kompenzacia , a o nalegalno mahale te mukhel pe lenge šajdipa te rentinen odola thana”. So šaj te ovel kana bi aven bageria thaj peraven sasti mahala” vakerel o Polak.
Link: http://www.dw.com/sr/a-gde-treba-ina%C4%8De-da-%C5%BEivimo/a-16994997
