Paše jekvaš taro migrantia so an i Germania rodena politikano azili avena taro Balkani thaj soske si paldime? O džovaplipa vash o egzodusi legaren o lokalno političaria.
Ni an o Kosovo, ni Albania a ko jekh thaj an i Srbia, BiH thaj an i Makedonia nane mariba, nane bokh, thaj nane tortura upral o manuša. Pobuter taro deš thaj pandž berša o thema so formiringhje pe palo hulavipa e themenge tari nekanutni Jugoslavia , o paše thema si akana an o sansari. I hrvatska thaj Slovenia ule membria thema an i Europakiri Unia. Asavki perspektiva isi thaj e avre themen bešencar so si taro akava regionio an i Europa.
Odova sikavena kaj i situacia akaja si bizi paralela sar so si an i Siria, Irak jali Avganistan kote o manuša sako dive merena sebepi o mariba thaj terorizmo.
Numa palem baro numero dizutne taro Balknai mukhena pire khera te šaj an i Germania rodena azili. Ola našena taro čorolipa thaj dživdipa bizi perspektiva. Bibahtale thaj frustririme taro politikano thaj ekeonomikano status kvo an o pire thema. Odoleske majbari doš isi an o balkansko politikani elita.
O nivelo taro bibukjarnipa an o thema taro Paščimalo Balkani ko agorutne duj decenie si taro 20 dži ko 50%. Pobuter taro 60% taro terne an i BiH nane len buti. O učeeducirime kadria phare avena dži ki buti soske isi nepotizmo thaj korupcia thaj mudarena o šanse bašo adekvatno bukjakiri pozicia. An i Makedonia Albania thaj Kosovo pobuteder taro ekavš educirime terne manuša mangen te našen tari them.
Link: http://www.dw.com/sr/neuspeh-balkanskih-politi%C4%8Dara/a-18652879
