Saste trin beršasine o snimiba e moderna paramisiake e mangipaske thaj maribaske, e manušeskere jaziake, religia thaj lačhipa. Odova si o majnevo filmsko akti taro Emir Kusturica “An o thudeskoro drumo” . O Kusturica vakerela: ” Dži kote neko manglja te dikhel miro politikano testamento, akava filmi si odova”.
An o filmi khelel thaj o Emir Kusturica sar manuš so bikinela thud thaj zapendžarel pe e misteriozno džuvljaja so khelel i Monika Beluči.
Ko akava filmi khelena thaj trin akteria tari Makedonia. odola si i ratka Radmanović, Petar Mirčevski thaj o pendđžardo Bajram Severdžan- Dr Koljo, kaske akava nane avgo filmsko proekto so khelel ko režiseri Emir Kusturica. Olengiri kolaboracia si panda taro filmi “Kali mačka, parni mačka”.
Prekal agorutne informacie o filmi “Ano thudeskoro drumo” ka ovel le piri premiera ko akava periodo thaj an o Balkani. O avgo reakcie e filmeske si but lačhe.
