Neko ka vakerel kaj si sasto paganstvo, thaj trubul te vakerel pe kaj si čače odoja forma.
Taro pirane vaktia e Lunake dena pe sine atributia kaj si la magikano zoralipa sar so si: khediba i avgin, seiba, prandin thaj starto taro desavo aktiviteto faktea taro lunakere mene.
Akaja planeta – naturakoro satelito anel lačhi thaj zorali džuvljani energia, emocie thaj an i godi i magia.
Pakjala pe kaj o džuvlja si len presia an i luna soske o faze iranen pe an o thabdipa taro 28 divesa, odokhar kobor si thaj e džuvljakoro mestrualno cikluso. Odoleske trubul te istemalkerel pe oleskoro zoralipa te šaj keren pe buteder lačhe bukja.
Aso jekh purani pakjiv, o Romane džuvlja si but lačhe thaj seksipilno sebepi e lunakere magiake. I rakj kana si pherdi luna i romani džuvli džala trujal desavi len jali tikni lenjori te nanjol thaj ko odova vakti vakerela akava:
“Luno, luno tu lačhie luno, dikh man thaj de man asajbe. Luno, luno tu lačhie luno de man lačhipa berša pherdo!”
But si importantno ko vakti akale ritualeske ma te avel thaj te ovel desavo badal so ka učharel e luna thaj olakiri roš, so ka sikavel bilačho nišani thaj šaj ruminel akava momento tari i magia. Pakjala pe kaj akava momento anela o Romane džuvlja te ovel len sako drom terno muj thaj ko phureder da berša.
Te manglen tumen da te keren akava magikano ritualo, na trubul te keren ole an o jevendaskere divesa.
