Tari idea dži ki realizacia ko sig vakti ka startujnel i SP BTR Produkcia. Kerel pe lafi bašo starti snimibaske o dokumentarno filmi anavkerdo sar “Lokalno heroia – Lumiakere talentia”. Aso i idea so si kerdi jekhe dokumentarno filmeske si sar filemskoro mozaiko taro pendžarde Roma so avena tari majpurani Romani mahala an o Balkani – Topaana.
Akava filmi si e Romane talentenge so resle internacionalno baripa thaj sukcesia pire butikeribaja.
Ki odoja populacia isi but talentirime manuša kote sar šerutne rolje ka khelen o Bajram Severdžan, Vaska Jankovska, Rahim Burhan, Muharem Serbezovski, Zoran Dimov thaj akana rametlie Faik Abdi, Esma Redžepova thaj avera.
Sa ola avena taru odoja mahala thaj savore džanena len thaj si amala thaj sako oemdar gelo an o diferentno drom thaj si le diferentno dživdipaskere storie. Ka ovel vakerdo soske pdpva kergje thaj so si ola avdive , so sine olengoro dživdipaskoro motivo thaj kobor i sgeregacia sine len an i dživdipaskiri storia thaj profesionalno dživdipa thaj personalno demonia.
Ko jekh an o akava dokumentarno filmi si pe an i agenda te kerel blic intervjua thaj anava sar so si Emir Kustirica, Goran bregović, Stole Popov, Dančo Čevrevski, Toni Mihajlovski, Saško Kocev thaj avera.
I idea thaj o scenario akale dokumentarcoske si taro Zoran Dimov barabutne e Ramuš Muarem -Cirko a i režia si taro Ajdin Islami.
