O čhavo taro Šaban Šaulič , angleder jekh čhon ko vakti tari jekh parti e neveberšeskere rakjake hari pobuter pilja thaj agorkergja ko phanlipa sa dži kote na ulo mamurlia, hramosrela o, Express Magazin.
Ov si astrade sar konzumirinela viski a o džuvli so sine lea kerel sine sa te vazdel i lahi atmosfera.
Oleskoro dat o Šaban Šaulić rodningja manušen te šaj ikavel le odothare an i policia so astargja le numa našti sine te ikavel le.
– O Mihajlo ple amalencar sine an o giljavipa e Šako Polumenta thaj kergje peske šukar parti. Ko olengoro separe sine but pijbe thaj pilja pe but, a o Mihajlo shidingja thaj gndingja kaj šaj te paldel o vordon ko asvko hali. Ko pašipa e hoteleske ačhavgja le policiakiri kontrola thaj an o alhotesto sine le notirime 1.5 promilia alkohol an o rat. thaj i policia kegrja leske akti te legren le an o policiakoro stasiono sa dži kote na ovel mamurlia. O amal so sine olea, ko telefoni informiringja oleskere daja i Goca, so palo odova oj informiringja e Šaban Šaulić so kegrja zori te ikavel pe čhave numa na reslja.
Palo nakhle 14 saatia ov sine mukhlo taro policiakoro stasioni. O Šaban vakergja kaj akana ka šaj te avel an i godi thaj mate perel leske ki godi aver drom te paldel o vordon mato. -vakerne o informacie.
